Hægt er að sækja um aðgang að launagreiðendavefnum með því að hafa samband við sjóðinn. Leyniorð er svo sent í pósti á lögheimili þess sem sækir um, eins og það er skráð í þjóðskrá. Þar sem hægt er að nálgast mjög mikilvægar upplýsingar í gegnum vefinn eru lykilorð aldrei gefin upp í síma eða send í tölvupósti.

Með því að skrá fyrirtækið inn hér á síðunni geta launagreiðendur og sjálfstæðir atvinnurekendur skoðað allar hreyfingar sínar hjá sjóðnum, og fengið upplýsingar um stöðu.

Launagreiðendur og sjálfstæðir atvinnurekendur geta sent skilagreinar vegna lífeyrisiðgjalda og gjalda í stéttarfélög aðildarfélaga Stafa í gegnum launagreiðendavefinn. Hægt er að senda gögn beint út bókhaldskerfum fyrirtækja með textaskrám í gegnum netið. Með þessu eru ferlar einfaldaðir og flýtt er fyrir iðgjaldaskilum. Starfsfólk sjóðsins sér svo til þess að innsendar upplýsingar séu færðar inn í kerfi sjóðsins.

Athugið að ekki myndast sjálfkrafa krafa í banka þegar skilagreinum er skilað inn og iðgjöldin þarf að greiða með hefðbundnum hætti í gegnum banka.

Til baka, Senda grein, Prenta greinina