Sjóðfélagar Stafa njóta ýmiss réttar sem fylgir því að vera félagi í sjóðnum. Stafir veita einna bestu réttindi í samtryggingardeild sem þekkjast innan lífeyrisgeirans. Þetta þýðir að sjóðfélagar Stafa fá mikil réttindi fyrir það iðgjald sem þeir greiða inn í sjóðinn. Það eru ekki allir sem gera sér grein fyrir því að fólk fær mismikinn lífeyrisrétt fyrir sama iðgjald, eftir því í hvaða sjóð þeir greiða. Það eru ýmsir þættir sem geta haft áhrif á það hve mikinn lífeyrisrétt sjóðir veita. Ávöxtun sjóða skiptir mjög miklu máli, en einnig aðrir þættir eins og hve margir öryrkjar eru á lífeyri hjá sjóðnum, kynjahlutfall, hversu vel tekst að halda kostnaði niðri svo nefndir séu nokkrir þættir sem hafa áhrif. Nokkuð auðvelt er að bera saman réttindi milli sjóða. Það er til dæmis hægt með því að nota reiknivélar sem margir sjóðir eru með á heimasíðum sínum og gæta þess að gefa upp sömu forsendur svo hægt sé að bera saman með óyggjandi hætti hvar bestur réttur fæst

Ekki má heldur gleyma að lífeyrissjóðir greiða ekki eingöngu eftirlaunalífeyri. Sjóðirnir greiða einnig örorku-, maka- og barnalífeyri og er mjög misjafnt milli sjóða hve góður þessi lífeyrisréttur er. Makalífeyrir er mjög ríkulegur í Stöfum miðað við aðra sjóði. Allar upplýsingar um hann og aðrar lífeyristegundir má nálgast undir liðnum Lífeyrir hér á síðunni.

En greiðsla í lífeyrissjóð veitir ekki eingöngu lífeyrisrétt. Í tilfelli sjóðfélaga Stafa veitir hann einnig rétt til að fá lán hjá sjóðnum. Að uppfylltum ákveðnum skilyrðum fást lán á hagstæðum kjörum en lesa má allt um þau undir liðnum Lán hér á síðunni.

Stafir lífeyrissjóður býður upp á séreignardeild og stendur hún opin bæði sjóðfélögum sem og félögum annarra sjóða. Séreign er eins og nafnið gefur til kynna sér-eign sjóðfélagans og erfist samkvæmt lögum um erfðaétt ef sjóðfélaginn fellur frá. Samkvæmt almennum kjarasamningum á sjóðfélagi sem leggur a.m.k. 2% fyrir af launum, rétt á mótframlagi launagreiðanda sem nefmur 2% til viðbótar. Fimm ávöxtunarleiðir standa til boða í séreign. Hægt er að velja eins margar leiðir og hver vill og deila innborgun niður á þær í þeim hlutföllum sem fólk kýs sjálft. Þannig er hægt að byggja upp eigið verðbréfasafn í samræmi við þá áhættu sem hver og einn kýs að taka. Hægt er að flytja sig milli leiða án kostnaðar hvenær sem er. Hægt er að lesa allt um sparnaðarleiðirnar og úttektarreglur undir liðnum Séreign hér á síðunni.

Til baka, Senda grein, Prenta greinina