Í reiknivél Stafa geturðu áætlað lífeyrinn þinn bæði úr samtryggingu og séreign miðað við þínar eigin forsendur. Notaðu svo tækifærið og berðu saman þau réttindi sem þú fengir úr öðrum sjóðum með því að nota samskonar reiknivélar á heimasíðum annarra sjóða.

Stafir lífeyrissjóður sendir yfirlit yfir iðgjöld tvisvar á ári. Á sömu yfirlitum kemur fram áætlun um hve mikið sjóðfélagi mun fá í lífeyri miðað við gefnar forsendur. Sjóðfélagar þurfa að gera lífeyrissjóðnum viðvart ef afdregin iðgjöld skila sér ekki til sjóðsins.  Með því móti getur sjóðurinn hafið innheimtuaðgerðir þannig að réttindi glatist ekki. Sértaklega er hætta á því að réttindi glatist ef launagreiðandi verður gjaldþrota. Hafi athugasemdir frá sjóðfélaga, staðfestar með launaseðlum, ekki borist sjóðnum innan 60 daga frá dagsetningu yfirlits og sjóðnum ekki verið kunnugt um iðgjaldakröfuna, er sjóðurinn einungis ábyrgur fyrir réttindum á grundvelli iðgjalda þessara að því marki sem þau fást greidd. Ábyrgðasjóður launa tryggir iðgjöld til lífeyrissjóða 18 mánuði fyrir gjaldþrot að uppfylltum tilteknum skilyrðum.

Sjóðfélagavefur Stafa

Nú geta þeir sem réttindi eiga í sjóðnum (bæði í samtryggingu og séreign) fengið upplýsingar um stöðu sína á sjóðfélagavef Stafa. Þar er meðal annars hægt að nálgast eftirfarandi:

• Réttindi til ævilangs eftirlaunalífeyris

• Skil launagreiðanda á iðgjöldum

• Eftirstöðvar sjóðfélagalána

• Innborganir og ávöxtun í séreign

• Áætla réttindi í séreign þegar kemur að töku lífeyris miðað við eigin forsendur

Hægt er að sækja um aðgang á netinu og verður lykilorðið þá sent í pósti á lögheimili sjóðfélaga. Upplýsingar um lykilorð eru aldrei veitt í gegnum síma.

Mikil áhersla hefur verið lögð á öryggisþátt þessa kerfis og er ógerlegt fyrir sjóðfélaga að komast yfir upplýsingar sem ekki tengjast þeim.

Til baka, Senda grein, Prenta greinina