Öll eigum við það sameiginlegt að vilja góða ávöxtun á eignir okkar. Hins vegar er mismunandi hversu mikla áhættu við viljum taka til að ná sem mestri ávöxtun. Segja má að því fyrr sem sparnaður hefst, því meiri ástæða sé til að fjárfesta í hlutabréfum. Þrátt fyrir áföll undanfarinna vikna má færa rök fyrir því að hlutabréf hafa gefið betri ávöxtun til lengri tíma en á það ber að benda að um er að ræða áhættufjárfestingu og ávöxtun getur sveiflast mikið. Fyrir þá, sem vilja jafna ávöxtun og forðast sveiflur hlutabréfa, mælum við með ávöxtun í skuldabréfum eða bundnum innlánsreikningi.

Hjá Stöfum getur þú valið um þrjár fjárfestingarleiðir og nýtt þér eina eða fleiri samtímis. Hægt er að skipta um leið hvenær sem er. Einnig er unnt að nýta sér fleiri en eina fjárfestingarleið samtímis og byggja þannig upp sitt eigið verðbréfasafn.

Leið 1 Bundinn innlánsreikningur

Minnst hætta á sveiflum í ávöxun - öruggasta sparnaðarleiðin. Leið 1 hentar þeim sem meta öryggi ofar öllu og kjósa verðtryggingu og vexti á séreignarsparnaðinn sinn. Höfuðstóll heldur verðgildi sínu en vextirnir eru breytilegir, að jafnaði hæstu vextir hverju sinni á bundnum innlánum. Þar sem þessi leið felur í sér minnstu hættu á sveiflum í ávöxtun, gefur hún líklega lægstu ávöxtunina til lengri tíma litið. Mælt er með þessari leið fyrir þá sem eru komnir nálægt eftirlaunaaldri. Fjárfestingarstefna leið 1.

Leið 2 Skuldabréf

Litlar sveiflur í ávöxtun - góð og stöðug ávöxtun til lengri tíma. Þessi leið hentar þeim sem vilja verðtyggingu og litlar sveiflur í ávöxtun. Í skuldabréfum felast loforð um fastar greiðslur í framtíðinni, en ávöxtunin stjórnast af markaðsvöxtum þegar bréfin eru keypt inn í skuldabréfasafnið. Hækkun eða lækkun á markaðsverði skuldabréfa hefur ekki áhrif á bréf sem þegar hafa verið keypt inn í skuldabréfasafnið því breytist ávöxtunin lítið í þessari leið yfir tíma. Þessi leið er einkum talin henta fólki á miðri starfsævinni og er áhætta í þessum flokki ekki eins mikil og ef um væri að ræða fjárfestingu í hlutabréfum sjá leið 4.   Fjárfestingarstefna leið 2.

Leið 3 Hlutabréf og skuldabréf

Mestu sveiflurnar - von um góða langtímaávöxtun. Hentar þeim sem hafa þol gagnvart nokkrum sveiflum í ávöxtun. Þessi leið fylgir sömu stefnu í fjárfestingum og sameignasjóður Stafa. Þar sem fjárfest er til lengri tíma myndast svigrúm fyrir góða ávöxtun sem ræðst af arðgreiðslum og verðbreytingum bréfanna á hlutabréfamörkuðum og hlutabréfavísitölum. Þessi leið byggir einnig að hluta á skuldabréfum sem gefa henni aukinn stöðugleika. Mælt er með þessari leið fyrir þá sem ætla að ávaxtast í lengri tíma og þola sveiflur í ávöxtun.Yngsta aldurshópnum í lífeyrissparnaði er ráðlegt að ráðstafa a.m.k. hluta af sínum sparnaði í þessa leið á móti fjárfestingu í Leið 2.    Fjárfestingarstefna leið 3.

Til baka, Senda grein, Prenta greinina