Ef sjóðfélagi andast getur verið að barn hans (eða börn) eigi rétt á barnalífeyri frá Stöfum. Sama gildir ef hinn látni hefur verið á örorkulífeyri hjá sjóðnum.

Ef sjóðfélagi sem greitt hefur iðgjöld til sjóðsins eða notið úr honum örorkulífeyris a.m.k. 24 mánuði undanfarandi 36 mánuði, og eiga þá börn hans og kjörbörn sem hann lætur eftir sig og eru yngri en 19 ára, rétt á lífeyri úr sjóðnum til 19 ára aldurs. Veiti fráfall sjóðfélagans börnunum jafnframt rétt til lífeyris úr öðrum lífeyrissjóði, skal lífeyrir úr þessum sjóði þó bundin því skilyrði að sjóðfélaginn hafi síðast greitt iðgjöld til þessa sjóðs.

Sótt er um barnalífeyri með því að skila inn umsókn sem hægt er að nálgast á skrifstofu sjóðsins eða með því að smella hér og verður að skila henni inn útfylltri og undirritaðri. Nauðsynlegt er að með umsókn fylgi afrit af dánarvottorði ef um andlát sjóðfélaga er að ræða.

Fullur barnalífeyrir vegna fráfalls sjóðfélaga er kr. 8.600 með hverju barni fyrir hvern almanaksmánuð. Barnalífeyrir breytist í samræmi við vísitölu neysluverðs. Fullur barnalífeyrir greiðist ef árlegar iðgjaldagreiðslur sjóðfélaga voru að minnsta kosti 55.000 kr. Séu árlegar greiðslur lægri, lækkar barnalífeyrir frá sjóðnum hlutfallslega og fellur niður ef árlegar iðgjaldagreiðslur er minni en kr. 27.500.

Sé sjóðfélaga úrskurðaður örorkulífeyrir úr sjóðnum vegna 100% örorku, öðlast börn hans, fædd fyrir orkutap eða á næstu 12 mánuðum þar á eftir, svo og kjörbörn, sem ættleidd hafa verið fyrir orkutap, sama rétt og börn látins sjóðfélaga njóta. Sé örorka metin lægri en 100% skal barnalífeyrir sjóðsins vera hlutfallslega lægri. Barnalífeyrir, sem greiddur er vegna örorku sjóðfélaga, fellur ekki niður, þótt sjóðfélaginn nái eftirlaunalífeyrisaldri heldur eingöngu þegar barn sem greiddur er barnalífeyrir með nær 19 ára aldri.

Fósturbörn og stjúpbörn, sem sjóðfélaginn hefur framfært að mestu eða öllu leyti, skulu eiga rétt á barnalífeyri. Skulu lífeyrisgreiðslur sjóðsins vegna þeirra barna vera hinar sömu og vera mundu, ef um börn eða kjörbörn er að ræða.

Barnalífeyrir greiðist alltaf framfæranda barnsins.

Til baka, Senda grein, Prenta greinina