Eftirlaunalífeyrir er greiddur er út úr samtryggingardeild sjóðsins, allt frá töku lífeyris og til æviloka sjóðfélaga. Sjóðfélagi sem orðinn er 67, á rétt á eftirlaunalífeyri úr sjóðnum. Sjóðfélaga er heimilt að hefja töku eftirlaunalífeyris áður en hann nær 67 ára aldri, þó ekki fyrr en frá 60 ára aldri. Einnig er heimilt að fresta töku lífeyris til 72 ára aldurs. Ef greiðslum er flýtt, þannig að byrjað er að taka út lífeyri áður en 67 ára aldri er náð, þá lækka greiðslurnar til samræmis því greitt er yfir lengri tíma. Ef greiðslum er hinsvegar seinkað þá hækka þær til samræmis því greitt er til skemmri tíma en ella. Samþykktir sjóðsins segja til um nákvæmlega hve mikið lífeyrir hækkar og lækkar við flýtingu og frestun, sjá nánar í töflu T2 í samþykktum sjóðsins.

Það er einfalt að sækja um eftirlaunalífeyri. Einungis þarf að skila inn einfaldri umsókn sem nálgast má á skrifstofu sjóðsins eða hér á heimasíðunni.

Þar sem lífeyrir er skattlagður við útborgun þarf að skila inn skattkorti ef ætlunin er að nýta skattkort hjá sjóðnum.

Mikilvægt er að hafa í huga að lífeyrir greiðist mánaðarlega eftir á og er útborgunardagur fyrsti virki dagur hvers mánaðar. Hann er greiddur í fyrsta sinn fyrir næsta mánuð eftir þann mánuð sem lífeyrisréttur myndaðist og í síðasta sinn fyrir þann mánuð er réttur til lífeyris fellur út gildi. Þetta þýðir að ef ætlunin er að taka lífeyris hefjist 1. ágúst, þá berst fyrsta greiðsla 1. virkan dag september mánaðar.

Til baka, Senda grein, Prenta greinina