Flestir launþegar hafi greitt í fleiri en einn lífeyrissjóð. Ekki á að vera nein hætta á að réttindi týnist eða rýrist við það eitt að fólk skipti um sjóð. Til að koma í veg fyrir að réttindi einstaklinga glatist hafa verið sett lög um skráningu lífeyrisréttinda. Einnig hafa flestir lífeyrissjóðir staðfest samkomulag um mat á réttindum hver hjá öðrum og hvernig staðið skuli að flutningi iðgjalda milli sjóða. Lífeyrissjóður starfsmanna ríkisins ásamt nokkrum öðrum lífeyrissjóðnum stendur þó utan samkomulags um flutning réttinda. Gerð hefur verið skrá yfir alla þá sem einhvern tíma hafa greitt til lífeyrissjóðs. Í þeirri skrá koma fram allir lífeyrissjóðir sem hver og einn hefur greitt til. Sjóðfélagi getur í öllum lífeyrissjóðum aflað sér upplýsinga um til hvaða sjóða hann hefur greitt í yfir starfsævina.

Umsókn um lífeyri:

Einstaklingur getur sótt um lífeyri hjá einhverjum af þeim sjóðum sem hann hefur tilheyrt. Algengast er að einstaklingar sæki um lífeyri til þess sjóðs sem síðast var greitt til. Sá sjóður sér síðan um að láta aðra lífeyrissjóði vita að viðkomandi sjóðfélagi sé að fara á lífeyri, og aflar upplýsinga frá þeim um iðgjaldagreiðslur.

Flutningur iðgjalda:

Réttindi eru ekki lengur flutt á milli sjóða heldur greiða viðkomandi sjóðir út á réttindi í sínum sjóði. Ef um mjög lágar upphæðir er að ræða gæti komið til eingreiðslu.

Mat á réttindum:

Hver lífeyrissjóður greiðir lífeyri vegna þeirra iðgjalda sem greidd voru til hans. Tryggt er að öll iðgjöld nýtist til lífeyris hvort heldur sem verið er að greiða úr einum eða fleiri sjóðum í senn.

Framreikningur:

Tryggt er að réttur til framreiknings vegna örorku glatist ekki og er hann framreiknaður af þeim sjóði sem umsækjandi hefur greitt til síðustu 3 ár fyrir örorku.

Til baka, Senda grein, Prenta greinina