Skattyfirvöld hafa gefið leyfi fyrir því að sjóðfélagi fresti greiðslu á skatti af iðgjaldi sínu í séreign, að hámarki 4% af launum. Þetta þýðir það að iðgjaldið er dregið af launum áður en skattur er reiknaður. Það er því ekki einungis iðgjaldið sem ávaxtar sig, heldur einnig sá peningur sem annars hefði farið til greiðslu skatts. Sumir semja við vinnuveitendur sína um aukið mótframlag í séreign til dæmis í stað hækkunar á útborguðum launum, þar sem ekkert hámark er á því hve mikið mótframlag vinnuveitendur mega greiða. Greiðslur eru svo skattlagðar eins og hverjar aðrar tekjur við útborgun.

Lítum á dæmi: Fyrir manneskju með 200.000 kr. laun á mánuði sem leggur 4% fyrir í séreign, og fær 2% mótframlag. Í hverjum mánuði koma 12.000 krónur inn á séreignarsparnaðarreikninginn. Útborguð laun lækka hinsvegar ekki um alla þá fjárhæð heldur um 7.714 krónur.

Dæmi miðar við 35,72% skattprósentu og 34.034 króna persónuafslátt.

Til baka, Senda grein, Prenta greinina