Sjóðfélagar Stafa lífeyrissjóðs vinna sér inn réttindi til lántöku á góðum kjörum. Vextir á lánum eru lágir, þótt þeir séu ekki endilega lægstu vextir sem bjóðast á hverjum tíma. Lánstíminn er jafnvel lengri en aðrar lánastofnanir geta boðið upp á þar sem lánað er frá 5 – 40 ára. Lánin eru verðtryggð miðað við vísitölu neysluverðs og tryggð með veði í íbúðarhúsnæði. Bæði eru í boði lán með föstum vöxtum en þá er krafist fyrsta veðréttar, eða breytilegir vextir sem eru í boði ef lánið fer aftar en á fyrsta veðrétt.

Sjóðfélagar eru hvattir til að kynna sér lánareglur sjóðsins hér á síðunni þar sem allar nánari upplýsingar eru að finna.

Umsókn

Þegar sótt er um lán er nauðsynlegt að eftirtalin gögn fylgi með:

• Síðustu greiðsluseðlar þeirra lána sem hvíla á eigninni og eru á undan nýja láninu í veðröð
• Afrit af nýjasta þinglýsta kaupsamningi sem gerður hefur verið, hafi eignin skipt um eigendur síðustu 3 ár
• Verðmat frá löggiltum fasteignasala í samráði við starfsmenn sjóðsins

Sjá nánar undir hlekknum Nauðsynleg gögn hér til vinstri.

Hér er hægt að sækja um lán með því að prenta út umsókn á pdf formi og senda til sjóðsins.

Til baka, Senda grein, Prenta greinina