Skilmálabreytingar

Þegar farið er yfir skilmálabreytingar eru eftirfarandi atriði skoðuð sérstaklega:

• Ástæður greiðsluerfiðleika ef um slíkt er að ræða
• Greiðslusaga viðkomandi skuldara, og fyrirhyggja/sinnuleysi vegna vanskila.
• Skuldari sýni fram á að verulegar líkur séu til þess að hann ráði við greiðslubyrði að lokinni skuldbreytingu.
• Almennt skal miðað við það að lánum sé ekki skilmálabreytt oftar en einu sinni.

Sækja þarf skriflega um skilmálabreytingu þar sem fram þurfa að koma eftirfarandi atriði:

• Umsókn skal vera skrifleg frá skuldara eða umboðsmanni fyrir hans hönd
• Sömu gögn þurfa að fylgja beiðni um skilmálabreytingu og fylgja þarf lánsumsókn

Þegar Stafir hafa samþykkt skilmálabreytinguna þarf skuldari að gera eftirtalið

• Afla undirskrifta skuldara og síðari veðhafa
• Afla undirskrifta veðeiganda ef hann er annar en skuldari
• Greiða þarf skjalagerðarkostnað áður en skjöl eru undirrituð fyrir hönd sjóðsins
• Þinglýsa skilmálabreytingum

Nafnabreytingar

Mögulegt er að nýr skuldari taki við láni en verður sú beiðni um nafnabreytingu verður að vera skrifleg. Afrit af kaupsamningi verður að fylgja með þar sem fram kemur hvert markaðsvirði eignarinnar sem lánið hvílir á. Ef nafnabreytingu er óskað án þess að verið sé að selja viðkomandi eign þá verður umsækjandi að koma með nýtt verðmat á eignina.

Ef nýji skuldarinn er á vanskilaskrá þá er umsókninni hafnað.

Ef í ljós kemur skv. kaupsamningi að lánið rúmast ekki lengur innan veðmarka, miðað við markaðsviði eignarinnar, þá er nýji skuldarinn ekki samþykktur nema að lánið sé greitt það mikið niður að það rúmist innan veðmarka.

Til baka, Senda grein, Prenta greinina