Rétt til lántöku hafa allir sjóðfélagar. Sama rétt hafa þeir er fá greiddan makalífeyri frá sjóðnum og þeir sem eingöngu greiða til séreignardeildar.

Skilyrði lánveitingar til sjóðfélaga sem er fyrir með lán hjá sjóðnum er að lánið sé í skilum. Þrátt fyrir ofangreint er heimilt að andvirði nýs láns að frádregnu lántökugjaldi skuli notað til greiðslu vanskila eldri lána, sé um slíkt að ræða, áður en til útborgunar kemur.

Þeir sjóðfélagar er sjálfir standa skil á iðgjaldi sínu til Stafa lífeyrissjóðs verða að vera í skilum með iðgjöld til sjóðsins við afgreiðslu lánsumsóknar.

Sjóðurinn áskilur sér rétt til að hafna lánsumsókn sé viðkomandi umsækjandi á vanskilaskrá.

Ekkert hámark er á upphæð lífeyrissjóðslána svo framarlega að veðhæfi viðkomandi eignar sé innan þeirra marka sem stjórn sjóðsins ákveður á hverjum tíma. Sjóðurinn áskilur sér rétt til að krefjast greiðslumats af umsækjanda.

Til baka, Senda grein, Prenta greinina