Séreignarsjóður 4% í 2%

"Dregið verði tímabundið úr frádráttarbærni iðgjalda vegna viðbótarlífeyrissparnaðar frá tekjuskattsstofni, þannig að hámark launþega verði 2% af launum í stað 4%."

Það er á ábyrgð launagreiðenda að lækka iðgjaldagreiðslur launþega úr 4% í 2% af launum nema launþegar óski eftir að breytingarnar verði ekki framkvæmdar.

"Þeir sem annast iðgjaldaskil samkvæmt samningum um viðbótartryggingavernd og séreignarsparnað á tímabilinu 2012-2014 skulu þrátt fyrir ákvæði umræddra samninga draga að hámarki 2% af iðgjaldsstofni rétthafa nema hann óski sérstaklega eftir því að hlutfall iðgjalds verði hærra."

Mikilvægt er að launagreiðendur fylgi þessu eftir því ef sparnaður launþega fer yfir 2% á tímabilinu janúar 2012 til ársloka 2014 getur sparnaðurinn lent í tvísköttun. Launagreiðandi skal einnig sjá um að hækka iðgjaldið aftur í 4% af launum þann 1. janúar 2015 nema launþegi láti vita að hann vilji ekki hækka sparnaðinn aftur.  Engin breyting verður á mótframlagi launagreiðenda en það er 2% af launum samkvæmt flestum kjararsamningum.

Vinsamlegast hafið samband við iðgjaldadeild Stafa í síma 5693000 ef óskað er frekari upplýsinga.

Til baka, Senda grein, Prenta greinina